Të mërkurën në media është publikuar një e-mail i Zyrës së Personelit për shkurtimin e orarit të punës për stafin e Komunës që agjërojnë muajin e Ramazanit.
Ky raportim është mohuar nga Komuna e Kamenicës të cilët kanë thënë se kanë pranuar vazhdimisht thirrje e pyetje lidhur me këtë çështje.
“Zyra e kryetarit nuk ka marrë një vendim të tillë, si dhe procesi i punës vazhdon si zakonisht në Komunën e Kamenicës”, thuhet në reagim.
Por, vendim të tillë zyrtar ka marrë komuna e Gjilanit, e udhëhequr nga kryetari Alban Hyseni i cili ka shkurtuar për 1 orë orarin e punës për agjëruesit.
Vendimi i Hysenit është kritikuar shumë në publik si populist dhe me efekt për ruajtjen e votave.
