Kushtetuta e Republikës së Kosovës, në nenin 8 të saj, e përcakton vendin tonë si shtet laik dhe të ndarë nga feja, por kjo nuk po respektohet nga kryetarët e komunave që udhëhiqen nga Vetëvendosja e kryeministrit Albin Kurti.
Pas Gjilanit edhe Komuna e Kamenicës që udhëhiqet nga Kadri Rahimaj, ka marrë vendim që punëtorët e administratës komunale që agjërojnë të punojnë një orë më pak, shkruan Demokracia.com.
Kjo u është kumtuar punëtorëve përmes një e-maili nga Zyra e Personelit.
” Të gjithë besimtarëve të fesë Islame Urime Muaji i Shenjtë i Ramazanit! Njehërit ju njoftoj se kolegët të cilët agjërojnë, orari i punës do të jetë nga ora 09:00 deri 16:00. Uroj të keni agjërim të lehtë!”, thuhet në e-mailin e dërguar nga Zyra e Personeli.
Një vendim të tillë e ka marrë edhe kryetari i Gjilanit, Alban Hyseni. /Demokracia.com/
