Shërbimi Spitalor Klinik dhe Universitar i Kosovës (SHSKUK) ka njoftuar se në Klinikën e Kirurgjisë Abdominale të Qendrës Klinike Universitare të Kosovës (QKUK) është kryer një operacion i komplikuar me ç’rast pacientit i është larguar tumori.
Sipas njoftimit të SHSKUK-së pacienti i operuar është i moshës 38 vjeçare dhe pas intervenimit është në gjendje të mirë shëndetësore dhe pritet të lirohet në shtëpi, shkruan Demokracia.com.
“Operimi i Hemangiomës, tumor me prejardhje nga enët e gjakut, i cili zhvillohet në mëlçi, vlerësohet si një nga ndërhyrjet më sfiduese në kirurgjinë e barkut… Operacioni, i bërë nga një ekip mjekësh të trajnuar, me aparaturë moderne, më parë është kryer vetëm jashtë vendit”, thuhet në njoftim.
Njoftimi i SHSKUK-së pa ndërhyrje:
Kryhet një operacion i komplikuar në QKUK, pacientit i hiqet tumori
Në Klinikën e Kirurgjisë Abdominale të Qendrës Klinike Universitare të Kosovës, mjekët kanë kryer një operacion kompleks, duke i larguar pacientit tumorin nga mëlçia.
Operimi i Hemangiomës, tumor me prejardhje nga enët e gjakut, i cili zhvillohet në mëlçi, vlerësohet si një nga ndërhyrjet më sfiduese në kirurgjinë e barkut.
Pacienti i moshës 38 vjeçare, pas intervenimit është në gjendje të mirë shëndetësore dhe pritet të lirohet shpejt për në shtëpi.
Operacioni, i bërë nga një ekip mjekësh të trajnuar, me aparaturë moderne, më parë është kryer vetëm jashtë vendit./Demokracia.com/
https://www.facebook.com/shskuk.rksgov.net/posts/2830500070600114