Dy shpërthime kanë vrarë të paktën 103 njerëz dhe plagosën dhjetëra të tjerë në një ceremoni përkujtimore në Iran që shënon përvjetorin e katërt të vrasjes nga SHBA të Qassem Suleimani, kreut të Forcës Quds të Iranit dhe një prej njerëzve më të fuqishëm në Lindjen e Mesme.

Një zyrtar i lartë i quajti shpërthimet një sulm “terrorist”, pa elaboruar se kush mund të qëndronte pas tyre, shkruajnë mediat e huaja.

skush nuk e ka marrë menjëherë përgjegjësinë për atë që dukej të ishte sulmi më vdekjeprurës që synon Iranin që nga Revolucioni Islamik i tij i vitit 1979.

Raportet e dëshmitarëve okularë flisnin për dy shpërthime me një distancë prej 10 minutash në qytetin jug-qendror të Kermanit, ndërsa disa raporte flisnin për katër shpërthime të ndryshme, duke sugjeruar se incidenti ishte një sulm shumë i sofistikuar.

Sipas Irna news, shpërthimi i parë ndodhi 700 metra nga vendi i varrimit të Suleimanit dhe i dyti ishte një kilometër larg.

Mediat shtetërore në Iran cituan Babak Yektaparast, një zëdhënës i shërbimit të urgjencës të vendit, të thoshte se 73 persona ishin vrarë dhe 170 të plagosur. Televizioni shtetëror më vonë raportoi se numri i të vdekurve ishte rritur në 103.

Fillimisht, zyrtarët lokalë thanë se nuk dihej nëse shpërthimet ishin për shkak të bombolave të gazit apo sulmuesve vetëvrasës.

Zyrtarët më vonë thanë se shpërthimet ndodhën në dy bomba që u shpërthyen nga distanca dhe e klasifikuan incidentin si terrorizëm.