Është duke vazhduar numërimi i votave të diasporës në QNR.
Në Qendrën e Numërimit dhe Rezultateve (QNR) është duke vazhduar numërimi i votave të diasporës apo votave me postë, raporton Demokracia.com.
Sipas të dhënave të fundit, deri në ora 16:00 janë numëruar 47 mijë e 336 vota.
Sipas rezultateve, Lëvizja Vetëvendosje ka marrë më së shumti vota dhe deri në ora 16:00 LVV-ja ka siguruar 36 mijë e 696 vota.
Në anën tjetër, Partia Demokratike e Kosovës ka siguruar 4 mijë e 341 vota, kurse Lidhja Demokratike e Kosovës 3 mijë e 743 vota.
Theksojmë se Komisioni Qendror i Zgjedhjeve ka aprovuar 59 mijë e 910 vota nga diaspora. /Demokracia.com/