Norvegjia i ka dorëzuar tetë tanke Leopard 2 në Ukrainë, kanë njoftuar sot forcat e armatosura norvegjeze.

Trajnimi për ushtarët ukrainas për këto tanke është duke u zhvilluar në Poloni, kanë bërë të ditur forcat norvegjeze.

Norvegjia muajin e kaluar njoftoi për vendimin e saj për t’i dërguar tanket e prodhimit gjerman në Ukrainë, kurse kryeministri Jonas Gahr Store ka theksuar se “disa vende tjera aleate do të veprojnë njëjtë”.

🇳🇴🇺🇦 #Norway has transferred to #Ukraine 8 Leopard 2 tanks, 4 armored repair and evacuation vehicles, and one mobile counter-battery radar, the Norwegian Ministry of Defense reports. pic.twitter.com/80nsOz9B0W

— NEXTA (@nexta_tv) March 20, 2023

Në fillim të shkurtit, qeveria norvegjeze njoftoi gjithashtu se kishte vendosur të porosiste 54 tanke gjermane Leopard 2 për të forcuar aftësitë e veta mbrojtëse, kurse ato pritet t’i merr në vitin 2026, transmeton Telegrafi.

Kujtojmë që drita e gjelbër e dhënë nga kancelari gjerman Olaf Scholz për dërgimin e tankeve Leopard 2 në Ukrainë, i dha shpresë Kievit se do të arrijnë të zmbrapsin rusët dhe t’i detyrojnë të largohen përfundimisht nga territori i tyre.