Një ngjarje e rëndë ka ndodhur rreth orës 18:00, në fshatin Peran të komunës së Podujevës.
Të përfshirë janë dy persona të fshatit Bajçinë, saktësisht babai dhe djali i tij për shkak të problemeve pronësore, shkruan Demokracia.com.
I vrarë ka mbetur djali Edon Ismajli ndaj të cilit dyshohet se me armë zjarri ka shtënë babai i tij, Naim Ismajli, ky i fundit tashmë është arrestuar nga Policia e Kosovës.
Para një jave dyshohet se mes tyre kishte pasur po ashtu konflikt fizik për të njëjtën tokë, për çka ishte hapur edhe rast në polici.
Lajmin për vrasjen e rëndë e ka konfirmuar për Demokracia.com, zëdhënësi i policisë për rajonin e Prishtinës, Agron Borovci.
“Rreth orës 18:00, është raportuar për të shtëna me armë zjarri në fshatin Peran të komunës së Podujevës. Policia ka dalë në vendin e ngjarjes dhe mbështetur në të dhënat e para, bëhet e ditur se një person, ka humbur jetën si pasojë e plagëve të marra nga arma zjarrit. Vdekja e viktimës është konstatuar nga ana e mjekëve emergjent. Policia ka iniciuar një hetim me synim sqarimin e të gjitha rrethanave që karakterizojnë rastin”, ka deklaruar ai./Demokracia.com/
Ky është personi që dyshohet se vrau djalin e tij në Podujevë
