Analisti kosovar, Imer Mushkolaj e ka kritikuar kryeministrin e Kosovës Albin Kurtin për veprime të dyfishta. Mushkolaj ka thënë se tashmë janë bërë “dy Albin Kurta”, njëri që thotë se nuk e bëj Asociacionin dhe tjetri që çdo veprim e bën në drejtim të themelimit të Asociacionit.

“Z. Kurti ka vepru me dy standarde. Një herë ka thënë se bëj Asociacionin. Ndërkohë të gjitha veprimet i ka bërë në drejtim të formimit të Asociacionit. Janë dy Albin Kurta”, ka thënë Mushkolaj në FRONTAL.

“Unë kam qenë kundër Asociacionit të 2013-2015. Edhe kam protestuar kundër tij. Se çfarë Asociacioni do të sjell z.Kurti mbetet me e pa. Urojmë që Kurti të mos lejojë Asociacion me kompetenca ekzekutive”, ka shtuar tutje ai.

“Ne kemi kërku që z.Kurti të mos pranojë Asociacion të dëmshëm me çfarëdo çmimi. Ne s’po i themi prano. Por ne do t’ia përmendim çdo moment rrenën. Unë e kam frikën që këto takime që mbahen për draftin e tjera, që janë sa për sy e faqe. Ndërkohë që BE-ja dhe SHBA-ja kanë me e ofru një model të tyre”, ka shtuar tutje Mushkolaj.