Ministria e Financave e Kosovës ka dhënë detaje rreth sulmit kibernetik që sot iu bë.
Gjatë së dielës, Ministria e Financave përkatësisht Sistemi Informativ i Tatimit në Pronë është hakuar, raporton Demokracia.com.
Lexo edhe:
Policia jep detaje për sulmin kibernetik në Ministrinë e Financave
Përmes një njoftimi për medie, MF-ja ka bërë të ditur se gjatë së dielës është tentuar të hakohet shërbimi online për shtypjen e faturës së tatimit në pronë.
Sipas MF-së kjo është tentuar të keqpërdoret nga sulmues kibernetikë të pa-identifikuar deri më tani, të cilët kanë përdorur të dhëna personale të Regjistrit Civil të Republikës së Kosovës përmes të cilave kanë tentuar të lexojnë të dhënat e faturave të tatimit në pronë.
“Ministra e Financave siguron qytetarët se sulmi i tentuar nuk ka arritur të cenojë integritetin dhe sigurinë e Sistemi Informativ në fjalë”, thuhet në njoftim.
Njoftimi i plotë i MF-së, pa ndërhyrje:
Njoftim në lidhje me sulmin në Sistemin e Tatimit në Pronë
Ministra e Financave njofton qytetarët e Republikës së Kosovës se Sistemi Informativ i Tatimit në Pronë, më saktësisht shërbimi online për shtypjen e faturës së tatimit në pronë është tentuar të keqpërdoret nga sulmues kibernetikë të pa-identifikuar deri me tani, të cilët kanë përdorur të dhëna personale të Regjistrit Civil të Republikës së Kosovës përmes të cilave kanë tentuar të lexojnë të dhënat e faturave të tatimit në pronë.
Ministra e Financave siguron qytetarët se sulmi i tentuar nuk ka arritur të cenojë integritetin dhe sigurinë e Sistemi Informativ në fjalë.
Rasti është paraqitur dhe tani më të po merren organet kompetente. /Demokracia.com/