Nicolo Barella u ka thënë ndjekësve të tij në Instagram se Interi nuk duhet ta konsiderojë humbjen e tyre ndaj Manchester Cityt në finalen e Ligës së Kampionëve si një dështim, dhe se skuadra duhet të jetë krenare për rrugëtimin që ka bërë në kompeticion këtë sezon.
Skuadra italiane bëri një paraqitje të mirë kundër skuadrës së Pep Guardiolës në Stadiumin Olimpik Ataturk të shtunën mbrëma, por përfundimisht humbi trofeun pas golit të shënuar nga Rodri në minutën e 68-të.
Megjithëse do të ketë zhgënjim të natyrshëm nga lojtarët, stafi dhe mbështetësit pas humbjes në finalen e Ligës së Kampionëve, Barella ka këmbëngulur se ka shumë gjëra pozitive për të marrë nga fushata e Interit në Evropë këtë vit.
“Gjithmonë kam menduar se të fitosh do të thotë lavdi dhe se humbja ishte një dështim. Por, në këto vite më mësuat se ka më shumë”, shpjegoi mesfushori i Nerazzurrëve në një postim në instagram të dielën në mbrëmje.
“Ka krenari dhe mbi të gjitha dashurinë që na ke treguar gjatë rrugës. Dhomat e zhveshjes janë të përbërë nga njerëz që kanë punuar në maksimum për ta rikthyer Interin aty ku e meriton, ju siguroj se kemi derdhur gjak, djersë dhe lot për fanellën”.
Barella vazhdoi: “Ka pasur fitore, të cilat na japin aq shumë ndjenja pozitive që do t’i mbajmë brenda vetes përgjithmonë. Ka edhe disfatë, të hidhur, të vështirë për t’u përballuar, por frymëzuese në mënyrën e vet për të provuar të bësh diçka edhe më të madhe”.
“Për këtë arsye, medalja e argjendtë do të mbahet pranë, së bashku me fitoret, dhe jo e fshehur në një qoshe. Faleminderit të gjithëve për këtë udhëtim fantastik”, përfundon mesazhi i tij.
View this post on Instagram
