Një mësuese amerikane, e cila fitoi famë në një reality show me binjaken e saj të bashkuar, u martua në heshtje tre vjet më parë.
Martesën e ka zbuluar për mediat TODAY.
Abby Hensel, tani 34 vjeç, nga Minesota, u martua me Josh Bowling, një infermier dhe veteran i ushtrisë.
Historia nuk është kaq e thjeshtë.
Abby dhe motra e saj Brittany, një nga grupet e pakta të binjakëve dicefalus në histori që mbijetuan, ndajnë një trup të vetëm dhe nga beli e poshtë, të gjitha organet e tyre, duke përfshirë zorrën, fshikëzën dhe organet riprodhuese, janë të përbashkëta.
Në një dokumentar të filmuar kur vajzat ishin adoleshente, nëna e tyre tha se ato ishin të afta të kishin fëmijë një ditë.
‘Po, ne do të bëhemi nëna,’ pranoi Brittany.
Në një intervistë tjetër, Brittany përsëriti dëshirën e saj për të pasur familjet e tyre.
Abby shtoi: ‘Po, ne do të bëhemi nëna një ditë, por nuk duam të flasim ende se si do të funksionojë.’
Abby është pikërisht ajo që është bashkëshortja e Josh. Kurse për Brittany qarkulluan disa thashetheme se ishte fejuar, fjalë të cilat u hodhën poshtë.
“Njerëzit kanë qenë kuriozë për ne që kur kemi lindur, për arsye të dukshme”, thanë binjaket në episodin e parë të serialit të tyre me tetë pjesë.
Në një intervistë të vitit 2001 me Time, babai i binjakeve Mike tha se i kishte pyetur vajzat e tij për gjetjen e burrave një ditë dhe se ishte pro martesës së tyre.
Abby dhe Brittany janë të dyja mësuese matematike në klasën e pestë në një shkollë fillore në Neë Brighton, Minesota, ku kanë lindur dhe janë rritur.