Analisti Agon Maliqi në një postim në Twitter ka shkruar se Perëndimi po i jep mbështetje Vuçiqit për t’a qetësuar opinionin më të gjerë serb.

“Një pjesë e mbështetjes mund të jenë transaksionale për shkak të armëve të Ukrainës. Por kjo është më shumë një përpjekje për të qetësuar opinionin më të gjerë publik serb të shqetësuar nga implikimet e kolapsit të Rusisë: “Ne mund t’ju mbrojmë!”, ka theksuar Maliqi.

Tutje ai me këtë e ndërlidh edhe deklaratën e Derek Chollet në Kongres.

“Mendoj se kjo është ajo që donte të thoshte Chollet kur u pyet në Kongres për korrupsionin e Vuçiqit dhe tha: “Ne po provojmë diçka!” Vuçiq mbetet i dobishëm për të “zgjidhur Kosovën”, por ai politikisht është një njeri i vdekur që ecën. Pra, qasja është më shumë si “përqafimi i tij deri në vdekje”, thekson Maliqi.

Në këtë kontekst Maliqi përmend edhe protetat në Serbi duke thënë se Perëndimi i mbështet ato derisa Kremlini i jep mbështetje Vuçiqit me narrativat për Maidanin( protestat në Ukrainë të vitit 2014).

“Kjo i bën ngjarjet në Kosovë edhe më interesante pasi ato qartazi i shkojnë për shtati Vuçiqit/ Kremlinit për të mos “zgjidhur Kosovën” dhe për t’i dobësuar protestat”.

2/3. I think this is what Chollet meant when he was asked in Congress about Vucic’s corruption and said: “We are trying something!” Vucic remains useful to “solve Kosovo” but he is politically speaking a dead man walking. So the approach is more like “hugging him to death”.

— Agon Maliqi (@AgonMaliqi) June 15, 2023