I dërguari i posaçëm i Bashkimit Evropian për dialogun Kosovë-Serbi, Miroslav Lajçak, është takuar me kryenegociatorin serb, Petar Petkoviq, në Bruksel.

Lajçak bëri me dije se me Petkoviqin kanë bisedur për draft-statutin e Asociacionit dhe hapat e ardhshëm për zbatimin e marrëveshjeve, njofton Klankosova.tv.

“Me kryenegociatorin serb Petar Petkoviq, fola për draft-statutin e Asociacionit të komunave me shumicë serbe, hapat e ardhshëm për zbatimin e marrëveshjes për rrugën drejt normalizimit dhe obligimet në pritje”, shkroi Lajçak në platformën X.

Emisari evropian theksoi se do të vazhdojë diskutimet me Kosovën në fund të kësaj jave.