Kylie bëri një tjetër ndryshim në pamjen e saj që duket se i ka lënë pa fjalë ndjekësit virtualë dhe jo vetëm! Përmes një fotoje në Instagram, Kylie prezantoi modelin e ri të flokëve pixie duke pozuar para një muri të bardhë teksa një dritë shkëlqente mbi të.

Ajo tërhoqi vëmendjen e të gjithëve, pasi njerëzit po krahasojnë me të ëmën Kriss dhe ngjashmërinë e madhe mes të dyja sidomos me modelin e fundit të flokëve të 26-vjeçares. Kylie përpos ndryshimit i dërgoi edhe një mesazh të ëmës duke shkruar në foto: “Kris Jenner po dridhet!”

Më e vogla e familjes Kardashian asnjëherë nuk I ka fshehur “lojërat e preferuara” me modelet e flokëve, sa ndonjëherë ngjan si kameleon. Flokët bionde platin, u zëvëndësuan pak kohë më parë me një nuancë blu të akullt, ndërsa muajin e kaluar ajo zgjodhi të shfaqet me flokë rozë në një selfie në Instagram.

Në këto ndryshimesh, ajo po përfshin edhe të bijën, gjashtë vjeçaren Stormi Webster me të cilën, ajo u bë protagoniste në sfilatën e Valentino Haute Couture Pranverë/Verë 2024 në Javën e Modës në Paris me një look matchy-matchy.