Rusia do të përdorte armë bërthamore vetëm kur ekziston një kërcënim për ekzistencën e vendit – dhe jo si rezultat i luftës së vazhdueshme në Ukrainë, tha zëdhënësi i Kremlinit Dmitry Peskov.

“Çdo rezultat i operacionit (në Ukrainë), natyrisht, nuk është një arsye për përdorimin e një arme bërthamore,” tha Peskov.

“Ne kemi një koncept sigurie që thotë shumë qartë se vetëm kur ekziston një kërcënim për ekzistencën e shtetit, në vendin tonë, ne mund të përdorim dhe do të përdorim armët bërthamore për të eliminuar kërcënimin për ekzistencën e vendit tonë” tha ai.

Kur u pyet për komentet e presidentit amerikan Joe Biden që e quajti Vladimir Putin një “kasap” dhe deklaroi se presidenti rus nuk duhet të mbetet më në pushtet, Peskov tha “është mjaft alarmante”.

“Është fyerje personale,” tha Peskov. “Sigurisht, është krejtësisht e papranueshme. Nuk i takon Presidentit të Shteteve të Bashkuara të vendosë se kush do të jetë dhe kush është president i Federatës Ruse”, tha ai, shkruan CNN, transmeton Klankosova.tv.