Ndeshja e xhiros së tretë të Grupit D të Ligës së Kampionëve mes Olympique de Marseille dhe Sporting është vonuar me më shumë se 20 minuta për shkak se lojtarët e klubit nga Lisbona nuk kanë mbërritur në kohë në stadiumin “Velodrome”.
Mediat franceze raportojnë se futbollistët e Sportingut kanë mbërritur me vonesë në Marsejë dhe më pas për shkak të bllokimit të trafikut nuk kanë mbërritur në kohë në stadiumin “Velodrome”, përcjell Demokracia.com.
Gjyqtari kryesor i ndeshjes, italiani Davide Massa, pas një marrëveshjeje me delegatët dhe përfaqësuesit e UEFA-s, vendosi të shtyjë fillimin e ndeshjes, gjë që e mërziti mikpritësin. Sidomos trajneri Igor Tudor i cili u bërtiste drejtuesve të UEFA-s.
“Kjo është Liga e Kampionëve, jo lojë amatore”, bërtiti Tudor, ndërsa asnjë nga zyrtarët nuk donte të debatonte me të./Demokracia.com/
La colère d’Igor Tudor dans les couloirs du Vélodrome avant le match de l’OM face au Sporting. 😡
🎥 @CanalplusFoot#OMSCP #UCL pic.twitter.com/4gE5EtygAK
— Lagazettefoot (@lagazettefoot) October 4, 2022