Dy persona janë plagosur sot në fshatin Mramor të Prishtinës, ku i përfshirë është edhe një zyrtar policor.
Në lagjen Suteskë të fshatit Mramor të Prishtinës dy persona janë plagosur me armë zjarri.
Në këtë incident është përfshirë edhe një zyrtar i Policisë së Kosovës.
LEXO EDHE:
Të plagosurit janë dërguar menjëherë në QKUK për trajtim dhe gjendja e tyre është jashtë rrezikut për jetë.
Kështu ka deklaruar për RTK-në, Ejup Govori, mjeku kujdestar.
“Dy të rinjtë janë pranuar me lëndime nga armë zjarri. Ata kanë marrë trajtimin mjekësor dhe ekzaminimet e nevojshme. Tash për tash janë në gjendje stabile shëndetësore”, ka thënë Govori.
Ende nuk dihen motivet e këtij incidenti, përderisa edhe Policia por edhe Inspektorati Policor kanë filluar hetimet për këtë rast. /Demokracia.com/
