Kisha Katolike nuk ka fuqinë për të bekuar bashkimet e të njëjtit seks, ka thënë zyra e Vatikanit përgjegjëse për doktrinën.

“Është “e pamundur” që Zoti të “bekojë mëkatin”, tha të hënën Kongregacioni për Doktrinën e Besimit (CDF), transmeton Demokracia.com

Por CDF vuri në dukje “elementet pozitive” në marrëdhëniet e të njëjtit seks.

Në tetor, Papa Françesku tha në një dokumentar se ai mendonte se çiftet e të njëjtit seks duhet të lejoheshin të kishin “bashkime civile”.

Në Kishën Katolike, një bekim jepet nga një prift ose një ministër tjetër në emër të Kishës.

Të hënën, Papa Françesku miratoi përgjigjen nga CDF, duke thënë se ajo “nuk synonte të ishte një formë e diskriminimit të padrejtë, por përkundrazi një kujtesë e së vërtetës së ritit liturgjik”.

Disa famulli në muajt e fundit, duke përfshirë në Gjermani dhe SHBA, kanë filluar të japin bekime për njerëzit në marrëdhënie të të njëjtit seks si një mënyrë për të mirëpritur katolikë homoseksualë në kishë./Demokracia.com