“Jahjaga të nderohet me mirënjohjen e merituar si presidentja e parë në Evropën Juglindore”

Barazia

Demokracia

18:47 | 24 Mars 2021

Ish-ambasadorja e Kosovës në SHBA, Vlora Çitaku ka kërkuar që ish-presidentja Atifete Jahjaga të nderohet me mirënjohjen e merituar për shërbimin si presidentja e parë në Evropën Juglindore.

Kështu ka thënë Çitaku përmes një shkrimi në llogarinë e saj në Facebook, përcjell Demokracia.com.

“Mora shkas nga një deklaratë e mikut tim, Ambasadorit Phil Kosnett, për të dhënë disa sqarime sa i përket zgjedhjes së Znj.Atifete Jahjaga si Presidente e Republikës së Kosovës”, shkruan Çitaku në fillim të postimit të saj.

Postimi i plotë:

Do të ishte mirë që Znj.Jahjaga t’i ipej mirënjohja e merituar për shërbimin e shkëlqyer si Presidentja e parë grua, jo vetëm në Kosovë, por në tërë Evropën Jug-Lindore

Mora shkas nga një deklaratë e mikut tim, Ambasadorit Phil Kosnett, për të dhënë disa sqarime sa i përket zgjedhjes së Znj.Atifete Jahjaga si Presidente e Republikës së Kosovës.

Pikë së pari, Presidenjta Atifete Jahjaga i ka shërbyer Kosovës me dinjitet dhe nder.

Sa për qartësim, zgjedhja e Presidentes Jahjaga nuk ka qenë produkt i asnjë “zarfi”. “Zarfi” nuk ka ekzistuar fare.

Askush nuk ka lobuar apo ushtruar asnjëlloj presioni tek udhëheqësit politik Kosovar për të zgjedhur Znj.Jahjaga.

Gjatë përvojës sime prej më shumë se dy dekadash në politikën Kosovare, e kam provuar në lëkurë dhe e njoh fare mirë prezencën e presionit ndërkombëtar (Gjykata Speciale, Marrëveshja për Asociacionin, Demarkacioni me Malin e Zi etj etj). Zgjedhja e Presidentes Jahjaga nuk ka qenë një nga këto raste.

Pas qarkullimit të emrave të shumtë të kandidatëve të mundëshëm për President të vendit, Znj.Jahjaga ishte i vetmi person për të cilin palët e përfshira mund të dakordoheshin pa asnjë trysni.

Ndonëse vetëm 35 vjecare, Znj.Jahjaga atëbotë ishte Zëvëndës Drejtore e Policisë së Kosovës me gradën Gjeneral-Nënkolonel (grada më e lartë në mesin e grave në Evropën Jug-Lindore) dhe një karierë shembullore në shërbimin publik.

Znj. Jahjaga pranoi kërkesën e partive politike për të shpëtuar Kosovën nga ngërci spse e kuptoi atë si thirrje të detyrës ndaj atdheut.

Përfundimisht, Znj.Jahjaga është votuar në Kuvendin e Republikës së Kosovës me 80 vota për.

https://www.facebook.com/vlora.citaku.1/posts/10157679916372414