COVID-19KosovaSot:728 Të gjitha:166,862|Bota 329,154,731
Lajme
Intervistohen tre kandidatët e fundit për pozitën e drejtorit të AKK-së
Demokracia
17:16 | 08 Dhjetor 2021

Share:

Share:

Share

Tweet

Granit Xhaka tregon të vërtetën: Kjo është arsy... Tema e cila ka preokupuar gjithë shqiptarët ndër vite ishte mos ardhja e Granit Xhakës për ta p...

Në Kuvendin e Republikës së Kosovës, të mërkurën ka përfunduar procesi i intervistimit të kandidatëve për pozitën e drejtorit të Agjencisë Kundër Korrupsion (AKK). Në këtë ditë janë intervistuar tre kandidatët e fundit.

Anëtarët e komisionit intervistues për përzgjedhjen e drejtorit të AKK-së ishin deputetët Adnan Rrustemi, Driton Selmanaj, Hajdar Beqaj, Dimal Basha, Hydajet Hyseni dhe Artan Abrashi, si dhe ekspertët nga ambasada britanike Anne Montgomery dhe Jan De Jonge.

Në total janë intervistuar 20 kandidatë, që të gjithë të gjinisë mashkullore, raporton “Betimi për Drejtësi”.

Në fund të procesit të intervistimit të tre kandidatëve të fundit, anëtarët e komisionit kanë bërë poentimin e tyre.

Gjithashtu, edhe poentimi final dhe llogaritja e totalit të pikëve, për secilin kandidat në fund të intervistimit është bërë në mënyrë të hapur dhe transparente për monitoruesit nga shoqëria civile.

Mënyra e intervistimit ka vazhduar të jetë e njëjët, ku paraprakisht anëtarët e Komisionit për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit, ishin dakorduar lidhur me pyetjet qe do tu parashtroheshin kandidatëve.

Fillimisht, Kuvendi i Republikës së Kosovës kishte hapur konkursin për pozitën e drejtorit të Agjencisë Kundër Korrupsion më 20 maj, mirëpo për shkak se nuk kishte aplikuar asnjë kandidate grua, komisioni për legjislacion kishte vendosur që i njëjti të përsëritet.

Ligji për Agjencinë Kundër Korrupsionit ka përcaktuar se gjashtë muaj para skadimit të mandatit të drejtorit të kësaj agjencie, komisioni informon Kuvendin e Kosovës në mënyrë që të fillohen procedurat për zgjedhjen e drejtorit të ri.

Sipas paragrafit 4, të nenit 8 të këtij ligji, përcaktohet se procedurat e përzgjedhjes së kandidatëve më të mirë menaxhohen nga komisioni, ndërsa dy prej të cilëve janë vlerësuar si më të suksesshëm i propozohen kuvendit për votim.

Kurse, në paragrafin 5 të dispozitës së lartcekur theksohet se Kuvendi i Kosovës zgjedh njërin nga kandidatët e propozuar, me votim të thjeshtë dhe me shumicë të thjeshtë të votave.

Të gjitha