Presidentja Vjosa Osmani në kohën sa ka qenë deputete e Kuvendit të Kosovës për vitet 2011-2014 i kishte marrë shtetit rreth katër mijë euro para kompensim për derivate.
Pas këtyre viteve ajo nuk kishte marrë më para të kosovarëve, shkruan Demokracia.com.
Ndonëse, e mban veten si njeri që nuk shpërdoron me paratë e kosovarëve, atë e demanton një status i veti në Facebook.
Vjosa Osmani tri vite kishte marrë para për kompensim të derivateve ndonëse ka jetuar në Prishtinë.
E këtë e dëshmon vet në një status ku Osmani thotë se që nga viti 2012, bashkë me bashkëshortin e saj Prindon Sadriu jetojnë në banesën e tyre në Prishtinë.
Ajo këtë e kishte konfirmuar në një status ku arsyetohej për blerjen e shtëpisë në lagjen luksoze të kryeqytetit “Marigona Hill”.
“Unë, bashkëshorti dhe dy vajzat tona jetojmë në një banesë njëdhomëshe në Prishtinë që nga viti 2012 kur kemi krijuar familjen tonë, banesë kjo e cila as për së afërmi nuk i plotëson kushtet bazike për një familje 4 anëtarëshe. Secilin cent qe e kemi fituar përgjatë 20 viteve (meqenëse që të dy punojmë që nga viti 1999) mund ta arsyetojmë ligjërisht dhe kurrë nuk kemi keqpërdorë asnjë cent të taksapaguesve. Pra 20 vjet pune brenda e jashtë vendit si dhe kredi, për të kursyer për shtëpinë e cila akoma nuk është ndërtuar, por me ligj kërkohet të deklarohet vendi ku ajo do të ndërtohet si parcelë. Pra, po e përsëris, nuk kam blerë asgjë në kohë pandemie, por në vitin 2019 i kemi shpenzuar kursimet tona 20 vjeçare për ta kontraktuar një shtëpi në Prishtinë.
Kur të ashtuquajtur analistë e media të caktuara publikojnë propagandë kundër meje me qëllim të arsyetimit të atyre që vërtetë kanë vjedhur, është e domosdoshme të reagoj dhe të ndërmarrë të gjithë hapat ligjor ndaj shpifjeve të tilla”, kishte shkruar Osmani.
Ky është statusi i plotë:
Tek këta ‘analistë’ e portale do të shihni titullin ‘Vjosa Osmani blenë tokë në vlerë 100 mijë euro në kohë pandemie.’ KJO NUK ËSHTË E VËRTETË.
Nuk është blerë tokë në kohë pandemie. Deklarimi i pasurisë është i vitit 2019. Pas njëzet vjet pune në Kosovë, Shtete të Bashkuara e në Australi, si dhe me kredi të shumta, unë e bashkëshorti im kemi arritur të kursejmë për të kontraktuar një shtëpi, e cila akoma është në ndërtim e sipër. Ajo shtëpi është kontraktuar në vitin 2019, PRA JO NË KOHË PANDEMIE.
Unë, bashkëshorti dhe dy vajzat tona jetojmë në një banesë njëdhomëshe në Prishtinë që nga viti 2012 kur kemi krijuar familjen tonë, banesë kjo e cila as për së afërmi nuk i plotëson kushtet bazike për një familje 4 anëtarëshe. Secilin cent qe e kemi fituar përgjatë 20 viteve (meqenëse që të dy punojmë që nga viti 1999) mund ta arsyetojmë ligjërisht dhe kurrë nuk kemi keqpërdorë asnjë cent të taksapaguesve. Pra 20 vjet pune brenda e jashtë vendit si dhe kredi, për të kursyer për shtëpinë e cila akoma nuk është ndërtuar, por me ligj kërkohet të deklarohet vendi ku ajo do të ndërtohet si parcelë.
Pra, po e përsëris, nuk kam blerë asgjë në kohë pandemie, por në vitin 2019 i kemi shpenzuar kursimet tona 20 vjeçare për ta kontraktuar një shtëpi në Prishtinë.
Kërkoj nga të gjitha mediat që ta largojnë këtë shpifje nga portalet e televizionet e tyre dhe ta publikojnë demantin tim. Gjithashtu kërkoj nga analistët që më quajtën kriminele, hajn, abuzuese e cka jo tjetër, të tërheqin shpifjen, të kërkojnë falje dhe të publikojnë demantin. Natyrisht që nëse një gjë e tillë nuk bëhet do të jem e detyruar që të shfrytëzoj të gjitha mjetet juridike në dispozicion për të mbrojtur integritetin tim dhe të familjës sime. Pikërisht duke i futë të gjithë me një thes (ata që abuzojnë me pushtet e bëhen milionerë brenda natës si dhe ata që punojnë me mund, me djersë e me kredi, pa abuzuar) ju që sot shpifët po u hapni rrugë e po i arsyetoni ata që kinse i kritikoni për krim e korrupsion.
EDIT: Një sqarim shtesë për ata që vazhdojnë shpifjet përkundër reagimit tim: Viti i kontraktimit dhe viti i përfitimit nuk janë të njëjtë. Deklarimi i pasurisë, siç e dijnë të gjithë, është bërë për vitin 2019. Formularët në AKK janë dorëzuar në mars të vitit 2020. Pra, shtëpia (ende e pandërtuar) është kontraktuar në fund të vitit 2019. Ajo ende nuk është paguar pra ende nuk është në pronësi tonën. Viti 2020 shkruhet si vit (potencial) i përfitimit kur parashihet ndërtimi gjatë atij viti. Por, siç e sqarova, asgjë nuk ështe kontraktuar e as blerë në kohë pandemie.
Kujtojmë se edhe bashkëshorti i presidentes Prindon Sadriu është një prej zyrtarëve që merr kompensime shpesh nga shteti. /Demokracia.com/
