Policia e Kosovës ka dhënë sot detaje lidhur me grabitjen e armatosur në Ferizaj, që kishte ndodhur në afërsi të pikës së karburanteve “Hib Petrol”, në bankomatet që ndodhen aty.
Policia e Kosovës në raporti 24-orësh rastin e ka cilësuar si vrasje në tentativë, ku të dyshuarit kanë shtënë me armë zjarri në drejtim të patrullës policore.
“Ferizaj 03.11.2023 – 04:44. Raportohet se nga persona të dyshuar të panjohur me lëndë plasëse është shpërthyer bankomati i një banke private, si dhe janë dëmtuar edhe dy bankomatë tjerë, ku të dyshuarit kanë tentuar të grabisin para”, thuhet në raport.
Pas intervenimit të njësive policore të dyshuarit kanë shtënë me armë zjarri në drejtim të patrullës policore, ku vetura zyrtare është qëlluar disa herë dyshohet nga arma AK 47, shkruan Telegrafi.
