Ish-drejtori i SHSKUK-së Basri Sejdiu, ka njoftuar se Gjykata Supreme ka vendosur ta rikthejë në krye të bordit.
Dikur, ishte drejtor i përgjithshëm i Shërbimit Spitalor Klinik Universitar të Kosovës.
Basri Sejdiu, ishte shkarkuar nga Bordi i Përhershëm, me 6 Korrik 2020 me arsyetimin se ka treguar performancë të dobët.
Specialisti i mjekësisë Interne, ndoqi rrugët ligjore për të kundërshtuar këtë vendim.
Institucioni më i lartë gjyqësor, Gjykata Supreme këtë të Martë kishte vendosur në favor të këtij të fundit.
Supremja hodhi poshtë vendimin e mëparshëm të Gjykatës së Apelit për shkarkim duke e pranuar ankesën e Basri Sejdiut për ta rikthyer në pozitën e drejtorit.
Në lidhje me këtë është prononcuar vetë Sejdiu në një debat televiziv.
Ai shkarkimin e tij po vazhdon ta quaj të jashtë ligjshëm.
Pas shkarkimit të Sejdiut, detyra e ushtruesit të detyrës së drejtorit i’u besua Infektologut, Valbon Krasniqi.
Muaj më vonë me 25 nëntor SHSKUK hapi konkursin për pozitën e drejtorit .
Më 6 janar, u publikua edhe lista e kandidatëve të cilët i kanë plotësuar kriteret në konkursin për drejtor të këtij institucioni.
Pjesë e garës ishin pesë doktorë: Saudin Maliqi, Gani Halilaj, Driton Ukmata, Basri Lenjani dhe Valbon Krasniqi.
Krasniqi ishte eliminuar nga ky konkurs për mungesë të përvojës menaxheriale.
Megjithatë ai u kthye përsëri, dhe pas një gare mes tij dhe drejtorit të emergjencës Basri Lenjanit, Krasniqi doli fitues.
Bordi Drejtues i SHSKUK-së e zgjodhi atë si drejtor .
Por këtë konkurs si skanadaloz po e cilëson ish-drejtori Basri Sejdiu.
Ai pretendon se përzgjedhja e Krasniqit u bë për arsye politike.
Këtij të fundit përmes një telefonate i ka reaguar drejtori i tanishëm njëherësh edhe infektologu Krasniqi.
Sejdiu ishte shkarkuar në korrik nga detyra në krye të SHSKUK-së, ndërsa ai ishte ankuar në Inspektorat të Punës.
Në shkallën e parë ishte konstatuar një mori shkeljesh në shkarkimin e Sejdiut nga Bordi Drejtues dhe ishte kërkuar kthimi i tij në punë. /T7