Shqipëria nuk ka regjistruar asnjë rast të mpiksjes së gjakut pas injektimit të vaksinës AstraZeneca përgjatë vitit 2021. Në një deklaratë për mediat Shefja e departamentit të sëmundjeve infektive Silva Bino, deklaroi se nuk ka vend për panik.

“Kjo vaksinë është përdor në vendin tonë deri në dhjetor të viti 2021. Janë përdorur me biliona doza dhe është një efekt i rallë që shfaqet 5 deri në 30 ditë. Pra kush ka bërë AstraZenenka nuk ka pse shqetësohet”,- Silva Bino, shefe e departamentit të sëmundjeve infektive.

Shqipëria ka nisur vaksinimin me AstraZeneca në mars të vitit 2021.

 “ Janë administruar 538 mijë doza 50 mijë Astra e prodhuar be indi pjesa tjetër ka ardhur nga Suedia. Pjesa më e madhe është administruar tek personat mbi 50 vjeç dhe tek mësuesit dhe pedagogët…78% e dozave Janë përdor  në Shqipëri”,- Silva Bino, shefe e departamentit të sëmundjeve infektive.

Bino siguroi se të gjithë personat që kanë kryer vaksinat anticovid në Shqipëri janë monitoruar me kujdes nga specialistët për 45 ditë dhe janë vërejtur vetëm efekt anësore të lehta.

Ndërkohë që vetëm disa ditë më parë kompani Astra Zeneca njoftoi se tërhoqi gjithë sasinë e mbetur të vaksinës. Ky vendim erdhi pasi kompania pranoi në dokumentet e gjykatës se ilaçi mund të shkaktojë mpiksje të rrallë gjaku, ndërkohë që në njoftimin zyrtar ata pohuan se ky është një veprim komercial.