Ajax vijon të jetë në qendër të vëmendjes, me holandezët, të cilët vijojnë të jenë një “supermarket” për Evropën.
Sezonin e fundit “Harkëtarët” triumfuan në kampionat, ndërsa menjëherë humbën trajnerin Erik ten Hag dhe gjithashtu pritet të ketë largime sa i përket disa lojtarëve, të cilët kërkohen me ngulm nga klubet europiane, duke filluar nga braziliani Antony. Gjithashtu “arkat” u mbushën edhe nga transferimi i mbrojtësit maroken Mazraoui drejt Bayern Munich.
Akademia e Ajax-it konsiderohet si një nga më të mirat në futbollin botëror dhe ata kanë prodhuar lojtarë të klasit botëror për shumë kohë.
Por kur e ka zanafillën kjo akademi?
Akademia e njohur u formua më 18 mars 1900, në të njëjtën ditë kur klubi u krijua në Amsterdam, Holandë.
Aftësia e Ajax-it për të zhvilluar dhe “ushqyer” talentet më të mirë të rinj ka qenë forca e tyre më e madhe gjatë 60 viteve të fundit, duke dhënë rezultate jo vetëm në suksesin e brendshëm të skuadrës, por edhe lavdinë evropiane dhe arkat e klubit.
Më poshtë po iu rëndisim 16 lojtarët që kanë dalë nga kjo akademi dhe kanë “pushtuar” futbollin dhe zemrat e tifozëve, duke filluar me legjendën Cruyff e deri te De Ligt :
- Johan Cruyff
- Ruud Krol
- Piet Keizer
- Marco van Basten
- Frank Rijkaard
- Deniss Bergkamp
- Frank de Boer
- Edwin van der Sar
- Clarence Seedorf
- Edgar Davids
- Patrick Kluivert
- Wesley Sneijder
- Rafael van der Vaart
- Nigel de Jong
- Christian Eriksen
- Matthijs de Ligt. /Demokracia.com