Filtri “Inverted” në TikTok është duke riqarkulluar sërish në platformë dhe ka tmerruar ndjekësit për vërtetësinë e tij.

Për ata që se dinë, ky filtër, sipas përdoruesve të shumtë tregon se si ju shohin të tjerët, ndryshe siç jemi mësuar ta shohim veten në pasqyrë.

Për ta parë veten në këtë filtër, duhet fillimisht të hapni aplikacionin e TikTokut e më pas të shkoni tek butoni plus dhe pasi ta keni bërë këtë klikoni tek opsioni “effects” në anën e majtë të pjesës së poshtme të ekranit.

Sipas, përdoruesve të shumtë, kjo është mënyra se si ju shohin të tjerët dhe si dukeni në realitet, ndryshe se siç e shohim veten në një ‘selfie’

Megjithatë, kishte edhe të atillë të cilët e kundërshtonin këtë, duke thënë se njerëzit nuk na shohin neve siç dukemi tek filtri “Inverted”.

Përdorues të shumtë thanë se përmes këtij filtri fytyra e tyre dukej jo-simetrike.