Kosova dhe Norvegjia në konkurrencën e femrave do të përballen sonte në stadiumin “Fadil Vokrri” në Prishtinë.
Ndeshja e sontme fillon nga ora 19:00 dhe është e vlefshme për kualifikimet e Kampionatit Botëror “Australi dhe Zelandë e re 2023”, shkruan Demokracia.com.
Federata e Futbollit të Kosovës ka njoftuar se dueli transmetohet drejtpërdrejt në Radio Televizionin e Kosovës (RTK 4).
Për dallim nga ndeshja e parë kundër Shqipërisë (1:1), kur Kosova hyri me synim për fitore dhe me lojë sulmuese, kësaj radhe përzgjedhësja Afërdita Fazlija do të jetë e detyruar të ndryshojë skemën e lojës, duke i kushtuar më shumë vëmendje repartit defanzivë, marrë parasysh cilësitë e kombëtares norvegjeze, e cila para pak ditësh e mundi Armeninë me rezultat të lartë, 10:0. /Demokracia.com