Familjet e pengjeve ndërprenë një mbledhje të komitetit të financave në Parlamentin izraelit të hënën, duke kërkuar që të bëhet më shumë për të siguruar lirimin e tyre.

“Ju nuk do të uleni këtu derisa ata të vdesin atje,” shkruhej në një nga pankartat ndërsa më shumë se një duzinë njerëz hynë me forcë në mbledhjen e komitetit. Video e skenës tregonte oficerët e sigurisë duke u përpjekur të largonin protestuesit.

“Nuk mund të vazhdojë kështu. Më mirë ta dini. Nuk mund të vazhdohet kështu. Ju nuk do të uleni këtu derisa fëmijët tanë të vdesin atje”, bërtiti një nga protestuesit. Nuk ka raportime për arrestime brenda Parlamentit, të quajtur Knesset.