Banorja e Big Brother VIP Albania, Egla Ceno kishte tronditur me një deklaratë kur tregoi se moderatori Saimir Kodra i kishte kërkuar favore seksuale në këmbim të një vendi pune; e pikërisht për këtë, Ilnisa Agolli u dëgjua duke i thënë aktores: “Po te Saimiri do shkosh?”

Lidhur me këtë kanë reaguar familjarët e aktores Ceno, duke i quajtur si të “shëmtuara” deklaratat e gazetares Agolli.

“Nuk ka gjë më të shëmtuar se të dëgjosh një gjë të tillë, sidomos kur janë situata kaq delikate, me një tematikë që prekin femrat e gjithë botës. Ilnisa në këtë rast vërteton përsëri se sa e ligë është”, reaguan atë përmes një postimi në Instagram.

Për më tepër, ata nuk u ndalën me kaq, derisa hodhën edhe akuza të tjera kundrejt Ilnisës.

“Ndoshta ‘Ilnisat’ si kjo Ilnisa në fjalë nuk kanë pasur nevojë të përballen me këtë lloje traumash, sepse e kanë zgjidhur situatën aq lehtë duke u bërë e dashura e nën-drejtorit dhe me këtë rast ka fituar ndonjë vend pune pa meritë”, theksuan ata.

“Jo të gjitha femrat e bëjnë këtë, por përkundrazi respektojnë veten duke mos pranuar kurrsesi një vend pune në këtë lloj forme”, thuhej mes tjerash në deklaratën e tyre.