Shefi i EULEX-it në Kosovë, Lars-Gunnar Wigemark, ka treguar se një ekip mjekësor i EULEX-it, mbrëmë i ka bërë një ekzaminim mjekësor ish-oficerit të arrestuar, Dejan Pantiq.
Wigemark në një postim në rrjetin social “Twitter”, ka shkruar se ky është ekzaminimi i dytë mjekësorë për Pantiqin.
“Me kërkesë të autoriteteve përgjegjëse të Kosovës, një ekip mjekësor i EULEX-it dje në mbrëmje ekzaminoi z. D.P., i cili është ndaluar nga Policia e Kosovës. Ky është ekzaminimi i dytë mjekësor i z. D.P., kryer nga një ekip mjekësor i EULEX-it. E para u zhvillua një javë më parë”, ka shkruar Wigemark.
Pantiq ndodhet në paraburgim për 30 ditë, nën akuzat për përfshirje kur në objektin e KKZ-së në Mitrovicë të Veriut, u hodhën shok-bomba
Pantiq u arrestua në pikëkalimin kufitar në Jarinjë, çka bëri që serbët lokalë të vënë barrikada, si shenjë proteste. Ai akuzohet për kryerjen e veprave terroriste dhe sulm kundër rendit kushtetues.
At the request of the responsible Kosovo authorities, an EULEX medical team yesterday evening examined Mr D.P. who is detained by the Kosovo Police. This is the second medical exam of Mr D.P. conducted by an EULEX medical team. The first one took place a week ago.
— Lars-Gunnar Wigemark (@LarsGWigemark) December 25, 2022