Njerëzve që vuajnë nga dhimbje kronike të cilat nuk kanë ndonjë shkak të njohur nuk duhet tu përshkruhen qetësues të dhimbjeve, por është rekomanduar që pacientëve të tillë t’u ofrohet stërvitje, terapi bisede dhe akupunkturë.

Në një ndryshim të madh të politikës së trajtimit të dhimbjes, Instituti Kombëtar për Shëndetin dhe Përsosmërinë e Kujdesit (Nice) thotë se në të ardhmen, mjekët duhet të këshillojnë të sëmurët që të përdorin terapi fizike dhe psikologjike sesa analgjezikë për të menaxhuar dhimbjen e tyre, transmeton Demokracia.com

Ekipet mjekësore mund të marrin në konsideratë përshkrimin e ilaqet kundër depresionit, sugjerojnë këshilltarët shëndetësorë të qeverisë.

Udhëzimi i ri ndikon në mënyrën se si shumë qindra mijëra njerëz në Angli dhe Uells trajtojnë gjendjen e tyre sepse midis 1% dhe 6% të popullsisë së Anglisë vlerësohet të ketë dhimbje primare kronike.

Ekzistojnë “pak ose aspak prova” se trajtimi i gjendjes me qetësues bën ndonjë ndryshim në cilësinë e jetës së personit, ose dhimbjen që ata vuajnë ose shqetësimin e tyre psikologjik, sipas udhëzimeve të saj të reja për vlerësimin dhe menaxhimin e dhimbjes kronike.

Dhimbja e shkaktuar nga një gjendje e njohur shëndetësore themelore siç është artroza, artriti reumatoid, koliti ulçerativ ose endometrioza njihet si dhimbje sekondare kronike. Sidoqoftë, dhimbja pa ndonjë shkak të identifikuar që ka vazhduar për të paktën tre muaj njihet si dhimbje primare kronike./Demokracia.com/