Drita e ka shënuar fitoren e parë në ndeshjen e parë miqësore në Antalia të Turqisë ku është zhvendosur pak ditë më parë për të kryer fazën përgatitore.
Tre herë kampionët e Kosovës fituan minimalisht 1:0 kundër skuadrës sllovake, MFK Tatran Liptovsky, shkruan Demokracia.com.
Realizator i vetëm i këtij ballafaqimi kontrollues ishte anësori Almir Ajzeraj në minutën e 80-të.
Fitore në miqësore në tokën turke ka shënuar edhe Prishtina e Ismet Munishit.
“Bardhekaltrit” kanë triumfuar 2:0 ndaj Feronikelit 74, e zhvilluar poashtu në Antalia.
Muhamed Dubova në minutën e 65-të dhe Albin Prapashtica tetë minuta pa përfunduar koha e rregullt ishin shënuesit e kryeqytetasve./Demokracia.com/