“… patjetër duhet të ketë akt paraprak të Qeverisë, i cili jo domosdoshmërisht duhet të pajtohet me përmbajtjen e Statutit [Zajednicës / Asociacionit të Komunave me Shumicë Serbe], por të gjendet një mënyrë që të përcillet tutje”.
Kjo deklaratë është pjesë e një përgjigjeje më të gjatë të dhënë nga Presidentja e Kosovës, Vjosa Osmani, më 23 prill 2024, në një intervistë për “Zërin e Amerikës”, ku e para e shtetit po tregonte se Qeveria e Kosovës duhet ta miratojë Aktin për Themelimin e Zajednicës apo Asociacionit të Komunave me Shumicë Serbe, në mënyrë që ajo të mund ta dërgojë për trajtim në Gjykatën Kushtetuese të Kosovës.
Lexo më gjerësisht:
Osmani: Nuk mund ta dërgojë Zajednicën në Kushtetuese pa u miratuar nga Qeveria Kurti
OSMANI PËR ZËRIN E AMERIKËS
Megjithkëtë, kjo përgjigje e presidentes Osmani është një formulë e re manipuluese për qytetarët e Kosovës, sipas së cilës, Qeveria mund ta miratojë Statutin e Zajednicës edhe pa u pajtuar me përmbajtjen e tij.
Vetë fjala ‘miratoj’ do të thotë: pranoj diçka zyrtarisht si të drejtë, duke dhënë edhe votën time: deputetët miratuan ligjin për pronën, etj.
Por, përveç aspektit manipulativ, kjo përgjigje e Osmanit është edhe absurde pasi nuk ka sqaruar sesi është e mundur që Qeveria e Kosovës të miratojë Statutin për themelimin e Zajednicës dhe njëkohësiht të mos pajtohet me përmbajtjen e tij?
Lexo më shumë: