Ylli amerikan i muzikës country Dolly Parton i ka kërkuar shtetit Tenesi të ndalojë planet për të ngritur një statujë të saj.

Ajo kërkoi që legjislatura të kursente paratë që do të përdoreshin për statujë të saj në bazë të ndërtesës së qeverisë së Kapitolit të Nashville.

Këngëtarja shkruajti në Tëitter për të thënë se tani nuk ishte koha e duhur.

“Duke pasur parasysh gjithçka që po ndodh në botë, nuk mendoj se vendosja në piedestal është e përshtatshme në këtë kohë,” tha ajo.

Dolly shtoi se ishte “e nderuar dhe e prekur” nga gjesti, duke thënë: “Sidoqoftë, shpresoj që pas shumë vitesh ose kur mos të jem më, do të pajtohesha me idenë e statujës, gjithmonë nëse e ndjeni se e meritoj. Jam e sigurt se do të qëndroj krenar në Kapitolin tonë të madh të Shtetit si një Tenesi mirënjohës “.

Përndryshe këngëtarja ishte një prej personave që dhanë donacione monetare në hulumtimet e një prej vaksinave më premtuese kundër Covid 19, vaksinës Moderna, e cila u tregua 95% efektive./Demokracia.com