Në Podujevë ka plasur një skandal i ri i punësimeve të familjarëve të pushtetarëve të Vetëvendosjes në administratën publike.

Sipas Idriz Hamitit, në konkursin e fundit në Qendrën Kryesore të Mjekësisë Familjare në këtë komunë, janë punësuar shumë familjarë të zyrtarëve të Vetëvendosjes dhe militantë partiakë.

Drejtoresha e Shëndetësisë dhe Mirëqenies Sociale, Adelina Stublla, sipas Hamitit, ka punësuar me këtë konkurs si farmaciste nusen e djalit të motrës dhe kunatën si infermiere, shkruan Demokracia.com.

Po ashtu, Hamiti thotë se në këtë konkurs u punësua si mami edhe kunata e drejtorit të QKMF-së, Bajram Bajgorës.

Ai ka pretenduar se në këtë konkurs është pranuar edhe vajza e tezes së presidentes Vjosa Osmani dhe djali i baxhanakut të Shpejtim Bulliqit.

Po ashtu, Hamiti pretendon se në këtë konkurs është “rehatuar” edhe vajza e nënkryetarit të VV- së. /Demokracia.com/