Diplomati i njohur gjerman, Wolfgang Ischinger, i është kundërpërgjigjur akuzave e kritikave të ish të dërguarit të Shteteve të Bashkuara të Amerikës për dialogun Kosovë-Serbi, Richard Grenell, drejtuar liderit të LVV-së Albin Kurtit.

Në një postim llogarin e tij ‘Twitter’, ish-ambasadori gjerman në SHBA, i ka kërkuar Grenellit “t’ia lërë Kosovën popullit të Kosovës”.

“Ric, sinqerisht: boll u përpoqe të ndërhysh. Mjaft dëme janë shkaktuar. Mandati juaj ka skaduar. Lërja Kosovën popullit të Kosovës”, ka shkruar Ischinger në Twitter.

Ky shkrim ishte përgjigje e tij për postimin e Grenellit në të cilin thoshte se “populli i Kosovës meriton liri dhe prosperitet” dhe pyeste se “përse një lider do të donte ta zhbënte Kosovën?”.

Para disa ditësh, Grenell ka akuzuar Kurtin se po përpiqet të zhbëjë shtetin e Kosovës.

Ric, honestly: stop trying to interfere. Enough damage has been done. Your mandate has expired. Leave Kosovo to the people of #Kosovo @albinkurti @Enver_Hoxhaj @VjosaOsmaniMP @atifetejahjaga @MiroslavLajcak https://t.co/uTmT4s9sVt

— Wolfgang Ischinger (@ischinger) March 5, 2021