Krishtlindjet e para të përbashkëta për Diletta Leotta dhe Loris Karius. Dy muaj pas dashurisë me shikim të parë në Londër, historia e dashurisë mes prezantueses së njohur sportive italiane dhe futbollistit është më serioze se kurrë.

Portieri i Newcastle fluturoi drejt Catania për të kaluar Krishtlindjet me të dashurën e tij të re dhe familjen e saj. Çifti ka postuar në rrjetet sociale një “selfie” buzë detit, të puthur nga dielli, me Lillon, qenin e dashur të prezantueses bjonde.

Pak javë më parë, Diletta ndodhej në Gjermani, ku u takua me të afërmit e Karius. “Nuk i gjej kritikat për meshkujt që zgjedh t’i kem pranë. Jam e apasionuar në dashuri dhe në moshën 31-vjeçare dua të ndihem e lirë të futem në marrëdhëniet që dua, – deklaroi së fundi Leotta, e cila shtoi:

– Për të gjetur burrin duhet të fitosh përvojë, edhe nëse e ke gabim. Kështu është jeta. Nëna ime vazhdon të më thotë të bëj kujdes, por nuk dëgjoj askënd. Duhet të godas kokën para se të ndalem”.