KF Llapi ka dënuar ashpër hedhjen e mjeteve piroteknike në fushën e Arena “Zahir Pajaziti”, në sfidën e fundit Llapi – Ballkani (1:0).
Gjatë hedhjes së mjeteve piroteknike është dëmtuar bari gjelbër, derisa dëmtimet Llapi i ka pasqyruar përmes disa fotografive.
Personat të cilët kanë hedhur mjete të rrezikshme në fushë e kanë dëmtuar investimin e madh që ka bërë klubi në bashkëpunim me FFK-në.
“Njëherit njoftojmë opinionin publik se pas takimit me organet e rendit gjatë ditës së sotme u morr vendim që personat të cilët identifikohen që do gjuajnë mjete të rrezikshme dhe dëmtojnë hapësirat e klubit, do u ndalohet hyrja përjetësisht në Arena “Zahir Pajaziti”, thuhet në njoftim. /Demokracia.com