Sot gjatë ditës një plaçkitje e armatosur ka ndodhur në një argjendari në Suharekë.

Një polic ka mbetur i plagosur si pasojë e të shinave me armë zjarri.

Një grabitje e armatosur ka ndodhur sot në Suharekë, ku si pasojë është plagosur një zyrtar policor. Në grabitje dyshohet se janë përfshirë katër persona, të cilët kanë ikur nga vendi i ngjarjes.

Rastin për Gazetën Express e ka konfirmuar zëdhënësi i Policisë për Rajonin e Prizrenit, Shaqir Bytyqi.

“Sot rreth ores 15:45 Eshtë marrë informate së në Suhareke ne një argjentari është një grabitje me armë ne zhvillim e sipër. Patrullat policore të Stacionit të policisë së Suharekës janë informuar menjëherë dhe kanë shkuar në vendngjarje. Rreth orës 16:03 min kemi marrë informatën se vetura e dyshimtë është një veturë e pasagjerëve. Sapo policia ka mbërri në vendngjarje të dyshuarit kanë shtënë me armë zjarri në drejtim të policisë, një zyrtar policor është plagosur, ai ka marr tretman mjekësor dhe është jashtë rrezikut për jetë. Në grabitje dyshohet se janë të përfshirë 4 të dyshuar të cilët për momentin kanë arrit që të largohen nga vendi i ngjarjes”, ka thënë Bytyqi.