Dr. Anthony Fauci, drejtori i Institutit Kombëtar të Alergjisë dhe Sëmundjeve Infektive, tha se edhe personat që kanë pasur Covid-19 duhet të marrin dozën e dytë të vaksinës.
Fauci thotë se pasi nuk kanë prova të mjaftueshme nuk mund të mos vaksinojnë personat që kanë kaluar COVID-19.
“Ne aktualisht nuk kemi prova të mjaftueshme që provojnë të kundërtën,”shkroi Fauci në Twitter nga llogaria e Shtëpisë së Bardhë, përcjell Demokracia.com
WATCH NOW: After today’s updates from Dr. Fauci and Dr. Walensky, we’ll hear from our supply coordinator, Tim Manning, on the Defense Production Act. https://t.co/yYfrb9x6am
— White House COVID-19 Response Team (@WHCOVIDResponse) February 5, 2021
Fauci gjithashtu theksoi se të gjithë ata që kanë pasur Covid-19 duhet të vaksinohen.
“Nëse keni pasur Covid-19, përsëri duhet të vaksinoheni. Meqenëse riinfektimi i është i pazakontë 90 ditë pas infektimit fillestar, mund ta shtyni vaksinimin deri në fund të asaj periudhe 90-ditore. Por vaksinimi duhet bërë” , shtoi ai.
Kjo deklaratë vjen pasi një studim paraprak i postuar në internet tregoi se personat që ishin infektuar më parë me koronavirus, kishin tendencë të kishin nivele të antitrupave që ishin të barabarta me ose mbi ato të njerëzve që kishin marrë të dyja dozat, por që nuk ishin infektuar asnjëherë.