Juventusi ka shënuar tjetër fitore ndaj Freiburgut, tani në Gjermani. “Zonja e vjetër” pas fitores 1:0 në Torino, triumfoi edhe si mysafir me rezultatin 2:0, dhe kalon në çerekfinale të Ligës së Evropës.
Vendësit nga minuta e 44-t mbetën me një futbollist më pak në fushë pasi me kartonin e dytë të verdhë u ndëshkua Manuel Gulde. Ndërkohë nga penalltia shënoi Dushan Vllahoviq për 1:0 në të mirë të skuadrës italiane.
Federico Chiesa vulosi rezultatin final të takimit dhe kualifikimin e Juventusit në minutën e pestë të kohës shtesë. Trajneri Massimiliano Allegri tani ka vetëm tri ditë kohë për t’i përgatitur lojtarët për duelin derbi kundër Interit në Serie A, që zhvillohet të dielën.