Skuadra e Arsenalit ka bërë të ditur se ka transferuar portierin amerikan Matt Turner.

28-vjeçari është prezantuar të hënën tek Arsenali, ekip me të cilin ka firmosur kontratë afatgjate.

Turner te Arsenali është transferuar nga skuadra e MLS-së, New England Revolution.

Ai ka 18 paraqitje për Përfaqësuesen e SHBA-së, për të cilën debutoi në janar të vitit të shkuar. Ndërsa, tek ekipi New England Revolution, Turner ka 106 paraqitje përgjatë gjashtë sezoneve.

Ai te Arsenali do ta bartë fanellën me numrin 30.