Presidenti i Serbisë, Aleksandar Vuçiq ka thënë se do të ketë gjithnjë e më shumë presion ndaj katër shteteve që s’e njohin ende pavarësinë e shtetit të Kosovës.
Këto deklarata, ai i ka bërë kur është pyetur lidhur me anëtarësimin e Kosovës në NATO, temë kjo që është diskutuar shumë ditëve të fundit, përcjell Demokracia.com.
Vuçiq është pyetur edhe për deklaratën e ish-kryeministrit Agim Çeku se Kosova duhet të anëtarësohet në Aleancë me procedurë të përshpejtuar.
“Kam folur për këtë për një kohë të gjatë, se anëtarësimi në NATO është ide e shumë njerëzve, por nuk mendoj se është realiste”, ka thënë Vuçiq.
Megjithatë, në fund, ai ka shtuar se “duhet pritur presion shtesë ndaj katër vendeve të BE-së për ta njohur Kosovën./Demokracia.com/