Një person është arrestuar dje në Vushtrri nën dyshimin se e ka therur me thikë një person, të cilit i ka shkaktuar lëndime trupore.
Policia e Kosovës në raportin 24 orësh ka njoftuar se në lidhje me rastin është konsultuar prokurori i shtetit me vendim të së cilit i dyshuari pas intervistimit është dërguar në mbajtje.
“VRASJE NË TENTATIVË/Rr. Rushit Strovci, Vushtrri 13.05.2023 – 16:25. Është arrestuar i dyshuari mashkull kosovar nën dyshimin se e ka therur me thikë viktimën mashkull kosovar, me ç’rast i ka shkaktuar lëndime trupore”, thuhet në raportin e PK-së.
Rasti është cilësuar si “Vrasje në tentativë”. /Demokracia.com/