Paneli Zgjedhor për Ankesa dhe Parashtresa (PZAP), ka marrë vendim që Albin Kurti dhe të tjerët nuk mund të jenë pjesë e listës zgjedhore të Lëvizjes Vetëvendosje.
Paneli Zgjedhor për Ankesa dhe Parashtresa (PZAP), ka aprovuar vendimin e Komisionit Qendror të Zgjedhjeve (KQZ), që të mos e certifikojë Albin Kurtin, Albulena Haxhiun, Liburn Aliun, Bajram Mavriqin dhe Labinotë Demi-Murtezin në zgjedhjet e 14 shkurtit, raporton Demokracia.com.
Ndaj këtij vendimi ka reaguar përfaqësuesi ligjor i Lëvizjes Vetëvendosje, Blerim Sallahu, i cili ka thënë se do t’i drejtohen Gjykatës Supreme rreth vendimit që ka marrë PZAP-i.
“Brenda afatit ligjor do të bëjmë ankesë në Gjykatën Supreme kundër vendimit antikushtetues të PZAP-së. Nuk do të ndalemi!”, ka shkruar Sallahu në profilin e tij zyrtar në rrjetin social Facebook.
Theksojmë se edhe PZAP-i ka bërë të ditur se të gjitha partitë politike kanë të drejtë të ankohen në Gjykatën Supreme brenda 24 orëve për të gjitha vendimet që ka marrë ky organ. /Demokracia.com/
Lexo edhe: