Një person ka vdekur të martën në një aksident trafiku në rrugën Prishtinë-Pejë.
Lajmin e ka konfirmuar zëdhënësi i Policisë së Kosovës, Baki Kelani.
“Lidhur me rastin janë njoftuar njësitë kompetente policore dhe ekipi mjekësor të cilët menjëherë kanë dalë në vendngjarje. Bazuar në informacionet e para, si pasojë e këtij aksidenti dyshohet se një person ka ndërruar jetë, vdekjen e të cilit e ka konstatuar stafi kompetent i QMF”, ka thënë Kelani.
Ai tutje ka thënë se për këtë rast janë informuar të gjithë njësitë e hetimeve.
“Lidhur me rastin dhe mjetet e përfshira në aksident, janë duke u kryer hetimet nga njësia e autostradës”.
Vetëm më 27 nëntor të 2023-ës, 42 aksidente ishin regjistruar për 24 orë, njëri kishte qenë me fatalitet.
Policia ka apeluar vazhdimisht për për kujdes në trafik.