Një video e publikuar në rrjetet sociale thuhet se tregon një ushtar rus, video që është shfaqur pasi Kremlini zyrtar ka konfirmuar tërheqjen nga qyteti Kherson i Ukrainës.

Sipas mediave të huaja, ushtari rus në video thotë se një njësie i është urdhëruar të vishet me rroba civile.

“Njerëz, unë jam gjallë”, thotë ushtari. “Çfarë mund të them? Gjithçka që thashë ndodhi…”, ka thënë fillimisht ai.

“… po gërmojnë fortesa në Krime dhe në një njësi, nuk do të them se cilën, urdhri i fundit ishte: ‘vishuni si civilë dhe shporruni ku të doni’”, tha ai.

Russian fighter who was previously in Kherson, "13th", is in panic mode, saying… just watch for yourself. pic.twitter.com/yHFRRDIZnU

— WarTranslated (Dmitri) (@wartranslated) November 10, 2022

Ndërkohë media të shumta kanë raportuar se disa nga ushtarët rusë janë parë të veshur me rroba civile.

Ndryshe, presidenti ukrainas Volodymyr Zelensky ka konfirmuar se qyteti po i kthehet në duart e Ukrainës.

“Sot është një ditë historike. Ne po e kthejmë Khersonin”, ka shkruar ai.

Njësitë speciale ukrainase janë tashmë brenda qytetit dhe më shumë trupa janë në rrugën e tyre, ka bërë të ditur ai, përcjell Telegrafi.

“Ukraina e kthen gjithmonë të sajën”, tha ai, duke lavdëruar civilët që “kurrë nuk u dorëzuan”.

Ai shtoi se civilët tashmë po hiqnin simbolet ruse nga rrugët dhe ndërtesat e qytetit.

Caution
Russian soldiers are still in Kherson city dressed as civilians. pic.twitter.com/ue5jzVYx1Q

— WarMonitor🇺🇦 (@WarMonitor3) November 11, 2022