Demokracia.com raportoi gjatë ditës së djeshme për një skandal të futbollistit serb, Ivan Tatomiroviq që luan te Zalgiris, kundërshtar i Ballkanit mbrëmë në rrethin e parë kualifikues në Ligën e Kampionëve.
Tatomiroviq disa orë para ndeshjes kishte shpërndarë një postim të faqes “Sport.srbija1” ku shkruhej se ai do të luante në të “ashtuquajturën Kosovë” kundër Ballkanit, raporton Demokracia.com.
Provokimit të futbollistit të lindur në Serbi i janë kundërpërgjigjur tifozët e Ballkanit “Xhebrailat”.
Këta të fundit me të hyrë në stadium nisën me thirrjet “UÇK, UÇK”, thirrje të cilës iu përgjigjën edhe shumë tifozë të tjerë në shkallët e stadiumit “Fadil Vokrri”.
Futbollisti serb, Ivan Tatomiroviq nuk u aktivizua për asnjë minutë për Zangirisin në takimin e të martës mbrëma.
Ballkani në fund nuk arriti më shumë se një barazim 1:1 me skuadrën lituaneze.
Raportimi i Demokracia.com| Lojtari serb i Zalgiris pas skandalit e bën privat profilin në Instagram
Për “portokallezinjtë” realizoi Nazmi Gripshi në minutën e 15-të, ndërsa 10 minuta më vonë Buff shënoi në të mirë të mysafirëve./Demokracia.com/
