Tre mjekë gjatë ditës së sotme janë sulmuar nga qentë endacakë në oborrin e Qendrës Klinike dhe Universitare të Kosovës.
Shërbimi Spitalor, Klinik dhe Universitar i Kosovës (SHSKUK), përmes një njoftimi për media ka bërë të ditur se dy mjekë janë sulmuar nga qentë endacakë në oborrin e QKUK-së dhe një jashtë QKUK-së, raporton Demokracia.com.
“SHSKUK ka kërkuar dhe në vazhdimësi dhe kërkon nga organet kompetente që të trajtojnë me prioritet çështjen e qenve endacak brenda oborrit të QKUK-së”, thuhet në njoftim.
SHSKUK-ja ka bërë të ditur se tre mjekët kanë marrë trajtimin e duhur mjekësor në kuadër të QKUK-së. /Demokracia.com/