Ministria e Punëve të Jashtme të Turqisë ka reaguar pas marrëveshjes mes Kosovës dhe Serbisë për lirinë e lëvizjes, e njohur në opinion si marrëveshja për letërnjoftime.

Nga kjo ministri kanë thënë se shpresojnë që dy vendet të arrijnë marrëveshje edhe për targat.

“E mirëpresim marrëveshjen e arritur ndërmjet Kosovës dhe Serbisë për dokumentet identifikuese. Shpresojmë që palët të bien dakord sa më shpejt për çështje të tjera, veçanërisht për çështjen e targave”, thuhet në komunikatën e MPJ-së së Turqisë.

Turqia ka thënë se do të vazhdojë përpjekjet për ruajtjen e paqes dhe stabilitetit në rajonin e Ballkanit Perëndimor.

Press Release Regarding the Agreement Between Kosovo and Serbia on Border Crossings With ID Cards https://t.co/hWkgQRjUkO pic.twitter.com/kwl1BrI0mh

— Turkish MFA (@MFATurkiye) August 28, 2022